स्याङ्जा, १ माघ– छैटौं राष्ट्रिय योग दिवस स्याङ्जामा बिभिन्न कार्यक्रमहरु गरेर मनाइएको छ । योग दिवसको अवसरमा जिल्ला आयुर्वेद स्वास्थ्य केन्द्र स्याङ्जाले योग अभ्यास, जनचेतना र योगका विधिका बारेमा चर्चा गरेर मनाइएको जिल्ला आयुर्वेद स्वास्थ्य केन्द्र स्याङ्जाका प्रमुख डाक्टर सुभद्रा कार्कीले बताउनुभयो । कार्यक्रममा जिल्ला स्थित बिभिन्न कार्यालयका प्रमुख, कर्मचारीका साथै संघ संस्थाका प्रतिनिधि एवं समाजसेविहरुको सहभागिता रहेको थियो ।
योग र साधनालाई आयुर्वेद संग जोडेर राम्रो संग सञ्चालन गर्न सकेको खण्डमा मानव जातिको स्वास्थ्यसंगै जीवनमा समेत परिवर्तन आउने भएकोले योगको निकै महत्व रहेको डाक्टर कार्कीले बताउनुभयो ।