गल्याङ, २७ पुस– भेषजराज साहित्य प्रतिष्ठान वालिङले राष्ट्रिय एकता दिवसका अवसरमा रचना वाचन कार्यक्रम सम्पन्न गरेको छ । प्रतिष्ठानले दिवसको अवसर पारी आफ्नो नियमित रचना वाचनको ३२ औँ श्रृङखला सोमबार वालिङ २ स्थित स्रष्टा ज्ञानेश्वर रेग्मीको निवासमा सम्पन्न गरेको हो ।
कार्यक्रममा प्राज्ञ तेजप्रसाद काफ्ले र रणबीर जनहित मावि खहरेका प्रधानाध्यापक लक्ष्मीप्रसाद रेग्मीले पृथ्वीनारायण शाहको जिवनीका बारेमा चर्चा गर्दै भेषजराजले साहित्यमा पु¥याउनुभएको योगदानको बारेमा प्रकाश पार्नुभएको थियो ।
कार्यक्रममा स्रष्टाहरु सम्भु अर्याल, लेखनाथ काफ्ले, चुँडामणी खनाल, कमल बगाले, डोलराज सुवेदी, दमकला बगाले, ममता ज्ञवालीलगायतले आ–आफ्ना रचना वाचन गर्नुभएको थियो । प्रतिष्ठानका अध्यक्ष यामकान्त खनालको अध्यक्षतामा सम्पन्न कार्यक्रमको सञ्चालन सचिव श्यामप्रसाद ढुङ्गाना र धन्यवाद शम्भु अर्यालले गर्नुभएको थियो । प्रतिष्ठानले हरेक महिना फरक फरक स्थानमा रचना वाचन कार्यक्रम गर्दै आईरहेको छ ।