स्याङ्जा, ४ पुस – हरिनास गाउँपालिका ५ आग्रीडाडामा एक आपसमा सामान्य विवादमा झगडा हुदा कुटपिटबाट १५ वर्षीय शेरबहादुर थापाको घटना स्थलमै मृत्यु भएको छ । सामान्य विवादमा भएको कुटपिटबाट युवकको मृत्यु भएको गाउँपालिका अध्यक्ष खिमनारायण मानन्धरले सामाजिक सञ्जाल फेसबुक मार्फत जानकारी गराउदै घटना प्रति दुःख व्याक्त गर्नुभएको छ । घटनामा सोही ठाउँका ३४ वर्षीय रेशम रानाको सहभागित रहेको समेत मानन्धरले उल्लेख गर्नुभएको छ । घटना बारे बुज्दा जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीले घटना घटेको र अभियुक्तलाई चिसापानी प्रहरी चौकी र चित्रेबाट गएको प्रहरीको टोलीले नियन्त्रणमा लिएको बताउदै घटना स्थलतर्फ जिल्ला प्रहरी कार्यालयबाट प्रहरी निरीक्षकको नेतृत्वमा थप प्रहरीको टोली गएको र बिस्तृत विवरण आउन केही समय लाग्ने जानकारी दिनुभयो ।