स्याङ्जा, १ पुस– राष्ट्रिय युवा संघ अर्जुनचौपारी गाउँ कमिटीले गाउँपालिका भीत्ररहेका सामुदायीक विद्यालयहरुमा मास्क र सेनिटाइजर वितरण वितरण गरेको छ । पालिका भीत्ररहेका सामुदायीक विद्यालयहरुमा मास्क र सेनिटाइजर वितरण गर्ने अभियान सञ्चालन गरेको युवा संघले बुधबार १ नम्बर वडाको पञ्चकन्या माध्यामिक विद्यालय र ६ नम्बर वडाका ४ विद्यालयमा वितरण गरिएको युवा संघले जनाएको छ ।
कोरोना भाइरस (कोभिड १९) बाट विद्यालय क्षेत्र बढि जोखिममा रहेकोले विद्यार्थी एवं शिक्षकको स्वास्थ्यलाई मध्यनजर राखेर विद्यालयहरुमा मास्क र सेनिटाइजर वितरण गर्ने अभियान सञ्चालन गरिएको राष्ट्रिय युवा संघ अर्जुनचौपारी गाउँ कमिटीका सहसंयोजक गणेस प्रसाद पौडेलले बताउनुभयो ।
विद्यालयमा कोरोना संक्रमणको बढि जोखिम भएकोले बिभिन्न ब्याक्तिहरु संग सहयोग जुटाएर अभियान सञ्चालन गरेको सहसंयोजक पौडेलले जानकारी दिनुभयो । बुधबार ५ वटा विद्यालयमा वितरण गरिएको माक्स सेनिटाइजर युवा संघका सदस्य तथा समाजसेवी कृष्ण प्रसाद सुवेदीले उपलब्ध गराउनुभएको र अन्य विद्यालयहरुमा पनि वितरण गर्ने तयारी भएको राष्ट्रिय युवा संघ अर्जुनचौपारी गाउँ कमिटीले जनाएको छ ।