वालिङ,१० असार– वालिङ नगरपालिका ८ नम्बर वडा कार्यालयले वडा भित्र रहेका बालबालिकाहरुको लागि ३ दिने निशुल्क स्वास्थ्य परिक्षणका साथै औषधी वितरण शिविर सञ्चालन गरेको छ ।

आज देखि सुरुभएको ५ वर्ष मुनिका बालबालिकाहरुको स्वास्थ्य परिक्षण कार्यक्रममा १ सय २५ जना बालबालिकाहरुको स्वास्थ्य परिक्षण गरिएको वडा कार्यालयले जनाएको छ ।
वडा अध्यक्ष दामोदर तिवारीले ससाना बालबालिकाहरुलाई वर्षादको समयमा उपचारको लागि बाहिर लैजना समस्या हुनेभएकोले वडा कार्यालयले वडा भित्र शिविर सञ्चालन गरेको बताउनुभयो । वडाको अन्य टोलहरुमा पनि शिविरलाई विस्तार गर्ने समेत तिवारीले बताउनुभयो । घर नजिकै बालबालिकाको स्वास्थ्य परिक्षण गर्न पाएपछि स्थानिय बासिन्दा समेत खुसि भएकाछन् ।

बालबालिकाको स्वास्थ्य परिक्षण गह्रौ अस्पतालका स्वास्थ्य कर्मीहरुले गरेका थिए । भने शनिबार काफल डाँडामा र आइतबार चिथाक भञ्ज्याङमा शिविर सञ्चालन हुने वडा कार्यालयले जनाएको छ ।
जिल्ला समन्वय समिति स्याङ्जाकी सदस्य सरस्वती बगालेको प्रमुख आतिथ्यतामा भएको कार्यक्रम वडा अध्यक्ष दामोदर तिवारीको सभापतित्वमा सम्पन्न भएको वडा कार्यालयकी कर्मचारी विना गैह्रेले जानकारी दिनुभयो ।