स्याङ्जा,२९ वैशाख- नेकपा माओवादी केन्द्रले यही वैशाख ३० गते हुने स्थानीय तहकाे निर्वाचनमा पुतलीबजार नगरपालिकामा नेपाली कांग्रेसका मेयरका उम्मेदवारलाई माओवादी केन्द्रकाे समर्थन गरेकाे भन्ने कुरा सत्य नभएकाे जनाएकाे छ। माओवादी केन्द्र पुतलीबजार नगरकमिटीका अध्यक्ष मनबहादुर थापाले आज एक प्रेस विज्ञप्ति जारी गर्दै नेकपा माओवादी केन्द्रका मेयर र उपमेयरकाे उम्मेद्वारी निष्कृय भएकाे र कांग्रेसकन उम्मेद्वारलाई सहयाेग गर्ने भनी नेकपा माओवादी नगर कमिटी इन्चार्ज नारायण प्रसाद लम्साल र नेपाली कांग्रेसका नगर सभापति सुरज कुमार अधिकारी बिच भएकाे सहमति मान्य नभएकाे र पुतलीबजार नगरपालिकामा नगर प्रमुख, उपप्रमुख सहित सबै वडामा कायम रहेकाे र नेकपा माओवादीका उम्मेदवारलाई मतदान गर्न नगर अध्यक्ष मनबहादुर थापा द्वारा जारि गरिएकाे विज्ञप्तिमा उल्लेख गरिएकाे छ। माओवादी केन्द्रले आफ्ना उम्मेरवारकाे पक्षमा मतदान गर्न र कुनै पनि अल्मलमा नपर्न समेत भनेकाे छ।