काठमाडौं,४ चैत– निर्वाचन आयोगले वैशाख ३० गते हुने स्थानीय तहको निर्वाचनको कार्यक्रम स्वीकृत गरेको छ । शुक्रबार बसेको आयोगको बैठकले निर्वाचन कार्यक्रम स्वीकृत गरेको निर्वाचन आयोगले जनाएको छ । निर्वाचन कार्यक्रम अनुसार स्थानीय तहको निर्वाचनका लागि वैशाख ११ र १२ गते उम्मेदवारी दर्ताको लागि आयोगले बिहान १० बजेदेखि साँझ ५ बजेसम्म निर्वाचन अधिकृतको कार्यालयमा उम्मेदवारी दर्ताको समय निर्धारण गरेको छ ।

आयोगले वैशाख १२ गते साँझ उम्मेदवारको नामको सूची प्रकाशित गर्नेछ । वैशाख १३ गते उम्मेदवारविरुद्ध उजुरी दिन सकिने छ भने १४ र १५ गते मनोनयनपत्र जाँच गर्ने र उजुरीमाथि निर्णय गर्ने कार्यक्रम रहेको छ । आयोगले उम्मेदवारलाई वैशाख १७ गते चुनाव चिह्न प्रदान गर्नेछ ।