वालिङ,२५ फागुन–वालिङमा घरपालुवा जनावरमा रेबिज रोग देखिएको छ । घरपालुवा जनावरमा रेबिज देखिए संगै नगरपालिकाले यसबाट थप संक्रमण फैलिन नदिन सचेतनाका कार्यक्रमहरु सञ्चालन गरेको नगरपालिकाको पशुसेवा शाखाले जनाएको छ ।

माघ २७ गते वालिङ नगरपालिका ८ मा रहेको गौसालामा एक बाच्छोमा रेबिज देखिएको र फागुन २ गते वडा नम्बर १० मोदिखोलामा पाडोमा यसैगरी ८ नम्बर वडाको भिमटारीमा केही कामदारमा समेत रेबिजको लक्ष्णदेखिएपछि समुदाय स्तर सम्म फैलिन सक्ने भन्दै नगरपालिकाको पशुसेवा शाखाले यस रोगको प्रकोप फैलीन नदिन यसका बारेमा ससेत भएर काम गरिरहेको शाखा प्रमुख डा. बसन्तकुमार अधिकारीले बताउनुभयो ।
रेबिजको लक्ष्यादेखिएका केही जनावरको मृत्युु भएपछि परिक्षणको लागि पशुपक्षी रोग अन्वेषण प्रयोगशाला पोखरामा पठाएको र परिक्षमा रेबिज देखिएकोले सबैलाई यस रोगबाट बच्नको लागि समेत सचेत गराईएको शाखा प्रमुख अधिकारीले बताउनुभयो ।
रेबिज रोग कुनै पशुपक्षीमा देखिएको छ महिना पछि सम्म पनि समुदाय स्तरमा फैलन सक्ने भएकोले सचेत हुन समेत अधिकारीले आग्रह गर्नुभएको छ ।