वालिङ,१७ फागुन–मत्स्य विकास केन्द्र मिर्मी स्याङ्जले कृषकलाई माछाका भुरा वितरण गरेको छ । जिल्ला भित्रका माछापालक कृषकहरुलाई माछाको भुरा वितरण गरिएको हो । वालिङ्ग नगरपालिका र पुतलिबजारमा मात्रै मंगलबार ३५ हजारभुरा वितरण गरेको गरिएको मत्स्य विकास केन्द्रले जनाएको छ ।

वालिङमा मात्रै १६ हजार माछाका भुरा वितरण गरिएको छ । पालिकाका १९ माछापालक फर्मका कृषकलाई १६ हजार माछाका भुरा वितरण गरिएको वालिङका पशु साखा प्रमुख डा. वसन्त अधिकारीले जानकारी दिनुभयो । वालिङका कृषकहरुलाई माछाका भुरा वितरण गर्नुहुँदै वालिङ नगरउपप्रमुख कल्पना तिवारीले कृषकहरुलाई व्यवसायिक रुपमा अगाडि बढ्न आग्रह गर्दै आवश्यक प्राविधिक लगायतका अन्य सहयोग माछा पालक कृषकहरुका लागी मत्स्य विकास केन्द्र तथा सम्बन्धीत पालिकाले समेत गर्ने बताउनुभयो । बिग हेड कार्प, ग्रास कार्प, सिल्भर कार्प, रोहु, नैनी जातका माछाका भुरा वितरण गरिएको मत्स्य विकास केन्द्रका प्रमुख रबिनसन अधिकारीले जानकारी दिनुभयो ।