वालिङ,१३ असोज– हरिनास गाउँपालिकाले पालिका भित्र रहेका विद्यालयमा कार्यरत बालविकास शिक्षिका, लेखामा कार्यरत र कर्मचारीको तलब (पारिश्रमीक) बृद्धि गरेको छ ।

गाउँपालिकाले विद्यालय व्यवस्थापन समितिका अध्यक्ष, विद्यालयका प्रधानाध्यापक, बालविकास शिक्षिका, विद्यालयमा लेखा शाखामा कार्यरत र विद्यालय कर्मचारीको उपस्थितीमा एक कार्यक्रमका विच पारिश्रमिक बृद्धि गरिएको गाउँपालिका अध्यक्ष खिमनारायण मानन्धरले बताउनुभयो ।

विद्यालमा लेखामा कार्यरत कर्मचारीको पारिश्रमीक १७ हजार रुपैँया, बालविकासमा कार्यरत कर्मचारीको १६ हजार रुपैँया र विद्यालय कर्मचारीको १५ हजार रुपैँया मासिक पारिश्रमीक दिने निर्णय भएको गाउँपालिकाले जनाएको छ । पूर्ववती केपी शर्मा ओली सरकारले बजेट भाषण मार्फत विद्यालयका कर्मचारी र बालविकास शिक्षिकाको पारिश्रमीक बृद्धि गर्ने घोषणा गरेको थियो । सरकारले गरेको घोषणालाई हरिनास गाउँपालिकाले कार्यान्वयनमा ल्याएको छ ।