वालिङ,२० साउन– चापाकोट नगरपालिकाले नगरलाई स्वास्थ्य संकट घोषणा गरेको छ । विश्वभर महामारीको रुपमा फैलिएको कोरोना भाइरसको संक्रमण नगरका सबै सबै वडाहरुमा संक्रमणको जोखिम बढ्दै गएकोले नगरवासीलाई स्वास्थ्य मापदण्डको पालना गर्न एक विज्ञप्ति मार्फत आग्रह गरिएको छ ।

नगरभित्र कोरोनाको संक्रमणको जोखिम बढेकोले स्वास्थ्य सेवा बाहेकका अन्य सेवाहरु २० गते २९ गते सम्मका लागि बन्द गरिएको नगरप्रमुख शिवकुमार गिरी द्वारा हस्ताक्षरीत विज्ञप्तिमा भनिएको छ ।

कोरोना संक्रमणबाट ज्यान गुमाउन गुमाएका नगरवासीहरुमा समवेदना व्यक्त गरिएको छ । विश्व स्वास्थ्य संगठन र नेपाल सरकारले तोकेको स्वास्थ्य मापदण्ड अपनाउन आग्रह गर्दै घरभित्रै बसेर सहयोग गर्न समेत नगर प्रमुख गिरीले विज्ञप्ती मार्फत अपिल गर्नुभएको छ ।