काठमाडौ,१८ साउन– दार्चुलामा तुइन पार गर्ने क्रममा  भारतीय सीमा सुरक्षाबल (एसएसबी)ले तुइन काटेको  घटनाविरुद्ध काठमाडौंमा प्रदर्शन भएको छ ।

नेकपा (क्रान्तिकारी माओवादी) निकट अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी)ले भारतीय ज्यादतीविरुद्ध आज लैनचौरस्थित भारतीय दूतावास आगाडि विरोध प्रदर्शन गरेको हो । शुक्रबार बिहान महाकाली नदी तर्ने क्रममा भारतीय सीमा सुरक्षाबलले तुइन काटिदिएपछि दार्चुलाको व्यास गाउँपालिका–२ का ३५ वर्षीय जयसिंह महाकालीमा बेपत्ता हुनुभएको थियो । भारतीय एसएसबीले तुइन  काटेर नेपाली नागरिकको हत्या गरेको भन्दै अहिले देशैभर विरोध भइरहेको छ ।