स्याङ्जा,१२ साउन– गण्डकी प्रदेश सरकारका नवनियुक्त सामाजिक विकास मन्त्री नेपाली कांग्रेसका नेता मेखलाल श्रेष्ठलाई गृह जिल्ला स्याङ्जा नेपाली कांग्रेसका नेता एवं कार्यक्रताले स्वागत गरेकाछन् ।

स्याङ्जा जिल्लाबाट समानुपातिक सांसदका रुपमा गण्डकी प्रदेशमा प्रतिनिधित्व गर्नुभएका श्रेष्ठलाई आज जिल्ला सदरमुकामका साथै भीरकोट र वालिङमा पार्टीका नेता एवं कार्यक्रताले स्वागत गरेका हुन् । स्वागत कार्यक्रममा बोल्दै नवनियुक्त मन्त्री श्रेष्ठले आफुले समालेको मन्त्रालयको जिम्मेबारी पुरा गर्ने बताउनुभयो । उहाँले गण्डकी प्रदेशको शिक्षा क्षेत्रको विकासका साथै सामाजिक क्षेत्रमा काम गर्ने समेत बताउनुभयो ।