पोखरा,११ साउन– पर्यटकीय नगरी पोखराको सिर्जना चोकमा निर्माण गरिएको आकाशेपुल सञ्चालनमा आएको छ । यात्रुहरुको निकै चहलपहल हुने सो ठाँउमा पैदल यात्रीहरुको लागि सडक वारपार गर्न सहज होस भनेर पोखरामै पहिलो पट सिर्जना चोकमा आकाशे पुलको निर्माण गरिएको हो ।

पोखरा महानगरपालिकाले निर्माण गरेको आकाशेपुल कास्की क्षेत्र नं २ का तत्कालिन प्रतिनिधिसभा सदस्य स्वर्गीय पर्यटन तथा नागरिक उड्डयनमन्त्री रवीन्द्र अधिकारीले पूर्वाधार विकास कार्यक्रममार्फत्  ५० लाख रुपैयाँ विनियोजन गरे संगै  सिर्जनाचोकमा आकाशे पुल निर्माणकार्य शुरु गरिएको थियो । महानगरपालिकाको दुई करोड १५ लाखको लागतमा सो पुल निर्माण कार्य सम्पन्न भएको पोखरा महानगरपालिकाले जनाएको छ ।