स्याङ्जा,२४ असार– पुतलीबजार ४ नागडाडाका स्थानियले स्वास्थ्य केन्द्रको लागि निशुल्क जग्गा उपलब्ध गराएकाछन् । सोही वडाका सेतीदेवी पोखरेल र चुडामणी पोखरेलले पुतलीबजार नगरपालिका प्रमुख सीमा कुमारी क्षेत्रीलाई जग्गाधनी प्रमाण पुर्जा हस्तान्तरण गर्नुभएको हो ।
जग्गाधनी प्रमाण पुर्जा ग्रहण गर्दै नगरप्रमुख क्षेत्रीले जग्गा उपलब्ध गराएकोमा सेतीदेवी पोखरेल र चुडामणी पोखरेललाई धन्यबाद दिदै नगरप्रमुख क्षेत्रीले प्राप्त जग्गामा भवन निर्माण गरी स्थानीयहरुलाई आवश्यक पर्ने स्वास्थ्य सेवा उपलब्ध गराइने बताउनुभयो । जग्गा दाता पोखरेल द्वोयलाई नगरप्रमुख क्षेत्रीले सम्मान समेत गर्नुभएको थियो ।
आधारभूत स्वास्थ्य केन्द्रको निर्माणको लागि चुडामणी पोखरेलले १० आना ३ दाम र सेतीदेवी पोखरेलले २ आना ३ दाम जग्गा उपलब्ध गराउनुभएको नगरपालिकाले जनाएको छ ।
मालपोत कार्यालयबाट आधारभूत स्वास्थ्य केन्द्रका नाममा जग्गा पास गरीएको पुतलीबजार नगरपालिका–४ का वडा अध्यक्ष ओमबहादुर खड्काले जानकारी दिनुभयो ।