स्याङ्जा,१३ असार– चितुवाको आक्रमणमा परेर एक व्याक्ति घाईते भएका छन् । गल्याङ नगरपालिका ७ का ३८ वर्षीय लाल बहादुर विक आज बिहान चितुवाको आक्रमणमा परेर घाईते हुनुभएको हो ।
गल्याङ नगरपालिका ७ पुलचोकमा रहेको खड्क बहादुर गाहाको बंगुरको खोरमा पसेको चितुवाले बंगुरका तीन वटा पाठापाठी मार्नुका साथै मानिसलाई समेत घाईते बनाएपछि बन कार्यालयका कर्मचारी जनप्रतिनिधीको रोहबरमा चितुवालाई गोली हानेर नियन्त्रणमा लिएको प्रहरीले जनाएको छ । बंगुरको खोरमा पसेको चितुवाले मान्छेलाई समेत आक्रमण गर्न थालेपछि थप क्षेती नहोस भनेर चितुवालाई गोली हानेर नियन्त्रणमा लिएको प्रहरीको भनाइ रहेको छ ।
चितुवाको आक्रमणमा परेर घाईते हुनुभएका विकको गल्याङ नगर अस्पतालमा उपचार पछि घर फर्किएको र गोलीलागेर मृत्युभएको चितुवालाई बन कार्यालयका कर्मचारीको जिम्मा लगाइएको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीले जानकारी दिनुभयो ।
बिहान खड्क बहादुर गाहा बंगुरको लागि दाना लिएर खोरमा जादा चितुवाले तीन वटा बंगुरका पाठापाठी मारेको अवस्थामा देखेपछि स्थानीयले प्रहरीलाई खबर गरेका थिए ।