वालिङ,१० असार– स्याङ्जाका पुण्य भुसाललाई नेपाल सरकारले गुठी संस्थानको अध्यक्ष पदमा नियुक्ति गरेको छ । भूमि व्यवस्था, सहकारी तथा गरिबी निवारण मन्त्रालयको सिफारिसमा भुसाललाई जेठ २० गते बसेको मन्त्रीपरिषदको बैठकले गुठी संस्थानको सञ्चालक समितिको अध्यक्ष पदमा तीन वर्षका लागि नियुक्ति गरेको हो ।

गुठी संस्थानको अध्यक्षमा नियुक्त भुसालले सोमबार पदभार ग्रहण गर्नुभएको छ । नेकपा एमाले स्याङ्जाका जिल्ला कमिटी पूर्व सचिव एवं एमाले गण्डकी प्रदेश कमिटी सचिवालय सदस्य हुनुहुन्छ । चापाकोट नगरपालिका ८ स्थायी घर भइ हाल गल्याङ नगरपालिका बल्पुकमा बस्दै आउनुभएका भुसाल । द्वोन्द  कालमा लामो समय जिल्ला सदरमुकाममा बसेर नेकपा एमाले स्याङ्जाको राजनीति गर्दै आउनुभएको थियो । गुठी संस्थानको अध्यक्षमा नियुक्त हुनुभएका भुसालले आफ्नो कार्यकालमा सबै सरोकारवाला निकाय संग समन्वय गरेर काम गर्ने बताउनुभयो । भुसालले भन्नुभयो, “मैले प्राप्त गरेको यो गहन जिम्मेवारीलाई कुशलता पूर्वक सम्पन्न गर्नेछु ।”