वालिङ, २७ चैत–कृषि तथ पशुपंक्षी विकास मन्त्री पद्मा कुमारी अर्यालले सरकारले अव गरिबी निवारणका लागि गरिब लक्षित कार्यक्रम ल्याउने बताउनुभएको छ । शुक्रबार वालिङमा अदुवा खेती पैँचो कार्यक्रमअन्र्तगत बिउ वितरण कार्यक्रमको उद्घाटन गर्दै मन्त्री अर्यालले सरकारले गरिव पहिचान गरी गरिब लक्षित कार्यक्रम ल्याउने तयारीमा रहेको बताउनुभयो ।
भुमि व्यवस्था सहकारी तथा गरिबी निवारण र कृषि तथा पशु पंक्षी विकास मन्त्रालयको कार्यक्रम अन्र्तगत वालिङमा अदुवा बेसार पैँचो कार्यक्रम सञ्चालन गरिएको छ ।
कार्यक्रममा मन्त्री अर्यालले भन्नुभयो, ‘पकेट क्षेत्र घोषणा गरी पशुपालन, तरकारी तथा फलफुल खेती नगदेबाली लगाउन सकिन्छ । कृषि उत्पादनमै जोड दिऔँ ।’
उद्यमी बन्न चाहाने जोकोहीलाई पनि सरकारले प्राविधिक सहयोगदेखि अन्य अनुदानका कार्यक्रमहरु सञ्चालन गर्दै आईरहेको बताउदै व्यवसायिक खेती प्रणालीमा लाग्नुपर्नेमा मन्त्री अर्यालले जोड दिनुभयो । विभिन्न स्थानहरुमा संकलन केन्द्र स्थापना गरी कृषकका कृषि उपजको बजारीकरणका लागिा सरकारले समन्वय गर्ने बताउनुभयो । मन्त्री अयालले भन्नुभयो, ‘पायक पर्ने स्थानमा संकलन केन्द्रको स्थापना गरी कृषि उपजको बजारीकरणका लागि तीन ओटै तहको सरकारले समन्वय गर्नेछन् ।’
सुरक्षित जनता आवास कार्यक्रम अन्र्तगत खरकार छाना विस्थापित कार्यक्रमले जनता खुसी भएको मन्त्री अर्यालको भनाइ थियो । आगामी आर्थिक वर्षभित्रै जिल्लालाई खरका छाना मुक्त बनाउने समेत मन्त्री अर्यालले बताउनुभयो । सरकारले समृद्ध नेपाल सुखी नेपालीको नारालाई सार्थकता दिनका लागि जनतालक्षित कार्यक्रमहरु सञ्चालन गर्दै आईरहेको भन्दै मन्त्री अर्यालले नागरिकका आधारभूत आवश्यक्ता पुरा गर्ने अभियानमा सरकार लागि परेमो उहाँको भनाइ रहेको थियो ।