रमेश गोदार
स्याङ्जा,२२असोज-ईद मिलादुन नविको अवसरमा स्याङ्जा मुस्लिम समाजले गण्डकी प्रदेश मै पहिलो पटक आयोजना गरेको हाजिरीजवाफ प्रतियोगितामा मदर्शा अहले सुन्नत वल जमातले प्रथम स्थान हासिल गरेको छ । त्यस्तै प्रतियोगितामा दारुल उलुम बर्कातीया थप्रेकले द्वितीय, मदर्शा नुरुल उलुम, दुलेगौडाले तृत्तीय र अहले सुन्नत गौसीया मदर्शा, बयरघारीले सान्त्वना स्थान हात पारेका छन् । साथै सहभागी समूह मध्येबाट उत्कृष्ट सहभागीका रुपमा गहतेको मदर्शालाई पुरस्कृत गरिएको मुस्लिम समाज बाड्खोलाका सचिव इकबाल अलिले जानकारी जानकारी दिनुभयो । त्यस्तै तिलाव तर्फ मदर्शा नुरी हनफीया दमौलीका मोहम्मद आसीफ प्रथम, मोहम्मदी जामे मदर्शा जिङ्दीका अस्लम अली द्वितीय, मदर्शा नुरुल उलुम दुलेगौडाका मोहम्मद हुसैन तृत्तीय र अहले सुन्नत मदर्शा स्याङ्जाका मोहम्मद शेहजाद अलीले सान्त्वना स्थान हासिल गरेका छन् । साथै नाते शरिफ तर्फ नुरुल उलुम मदर्शा दुलेगौडाका गुल्सन खातुनले प्रथम र मदर्शा अहले सुन्नत वल जमातका ऐजाज मियाले द्वितीय स्थान हात पारेका छन् ।

१० कुरआन तिलावत ९२० नाते शरीफ ९३० हाजिरीजबाफ प्रतियोगिताको निणर्ायकमा शेरे नेपाल फीरोज आलम, मुफ्ती साजीद बरकाती र पर्यवेक्षकमा ईमाम मोहम्मद हुसैन अत्तारी र हाजी शेर अली मिया रहनुभएको थियो । ३ विधामा रहेको प्रतियोगिता १५ मदर्शाका विद्यार्थी सहभागी भयका थिए । प्रतियोगिताका दुबै विधातर्फका प्रथम द्वितीय, तृत्तीय र सान्त्वना स्थान हासिल गर्नेहरुलाई क्रमशः ३० हजार, १५ हजार, र १० हजार साथै उत्कृष्टलाई १० हजार नगद पुरस्कार प्रदान गरिएको पुतलीबजार नगरपालिका वडा नं. १४ का सदस्य मुवारक मियाँले जानकारी दिनुभयो ।