गल्याङ,२३ भदौ- अन्तराष्ट्रिय साक्षरता दिवसको अवसरमा शिक्षकलाई सम्मान गरिएको छ ।
गल्याङ नगरपालिकाले ५७ औं अन्तराष्ट्रिय साक्षरता दिवसको अवसरमा पालिका भित्रका विद्यालयमा कार्यरत उत्कृष्ट शिक्षकलाई सम्मान गरेको हो ।

नगरपालिकाद्वारा शुक्रबार आयोजित एक कार्यक्रमका बिच विद्यालयका साथै विभिन्न विधामा उत्कृष्ट भएका विद्यार्थीहरुलाई समेत सम्मान गरेको छ ।

नगर शिक्षा समितिका अध्यक्ष एवं नगर प्रमुख गुरुप्रसाद भट्टराईको अध्यक्षतामा सन्चालन भएको कार्यक्रम गण्डकी प्रदेशका उर्जा, जलश्रोत तथा खानेपानी मन्त्री सरस्वती तिवारीको प्रमुख आतिथ्यतामा सम्पन्न भएको थियो ।

कार्यक्रममा बोल्दै प्रमुख अतिथि मन्त्री तिवारीले शिक्षक आफ्नो पेशाप्रति प्रतिवद्ध भएर लाग्नुपर्नेमा जोड दिदै समाज परिवर्तनमा शिक्षकको महत्वपूणर् भूमिका हुने बताउनुभयो ।