रामपुर,१५ कात्तिक– जापानिज नागरिक काजुमासा काकिमी ओकेवाजेको गंगा माध्यामिक विद्यालय रामपुरमा गरिएको चौरासी पुजाको खर्च सार्वजनिक गरिएको छ ।

विगत ३० वर्ष देखी पाल्पामा रहेर शिक्षा, स्वास्थ्य लगायतका क्षेत्रमा सहयोग गर्दै आउनुभएका ओकेबाजे चौरासी वर्ष पुगेको अवसरमा गंगा माध्यमिक विद्यालय रामपुर नगरपालिका ८ एक्लेटारमा पुजामा भएको खर्च मंगलबार पत्रकार सम्मेलन गरि सार्वजनिक गरिएको हो ।

विद्यालयका प्रधानाध्यापक तथा पुजा व्यवस्थापन मुल आयोजक समिति अध्यक्ष देवराज देवकोटाले ११ लाख १७ हजार ५ सय ५५ रुपैँया संकलन भएको र पुजामा ७ लाख १६ हजार ५ सय ९१ रुपैँया खर्च भएको बताउनुभयो । उहाँले बाकी ४ लाख ९ सय ६४ रुपैँया ओकेबाजेलाई हस्तान्तरण गर्नुभएको छ । पुजाको लागि खोलिएको बैंक खाता बन्द गरि बचेको रकम आज पत्रकार सम्मेलनका अवसरमा ओकेबाजेलाई हस्तान्तरण गरिएको हो ।

पत्रकार सम्मेलनमा विद्यालयका प्रधानाध्यापक देवकोटाले विगत लामो समयदेखि शिक्षा क्षेत्रमा ओकेबाजेले महत्वपूर्ण पुर्याएकोले उहाँको सम्मानका लागि चौरासी पुजा गरिएको बताउनुभयो । पुजाको लागि आवस्यक पर्ने सबै कार्यमा स्थानीय बासिन्दाले सहयोग पुर्याएका थिए । उहाँको सम्मानमा जिल्लाका स्थानीय तहका साथैै विद्यालयहरुले सहयोग गरेका थिए ।

कार्यक्रममा काजुमासा काकिमि ओकेबाजेले पाल्पालीको मायाले आफुलाई लोभ्याएको बताउनुभयो ।
ओकेबाजेले जीवनको लामो समय देखि आफ्नो देश जापान छोडेर नेपालमा रहेर पाल्पा क्षेत्रको विकासमा सहयोग गर्दै आउनुभएको छ ।