वालिङ,३१ असोज– नेपाल सरकारले कात्तिक १ गते सार्वजनिक बिदा दिएको छ । सरकारले शताब्दीपुरुष सत्यमोहन जोशीको निधनको शोकमा कात्तिकमा कात्तिक १ गते सार्वजनिक बिदा दिएको हो ।

गृह मन्त्रालयका प्रवक्ता फणिन्द्रमणि पोखरेलले सोमबार एक सूचना जारी गरी कात्तिक १ गते मंगलबार देशभर सार्वजनिक बिदा दिने निर्णय भएको जानकारी दिनुभएको हो ।

शताव्दी पुरुष जोशीको १०३ वर्षको उमेरमा आइतबार विहान निधन भएको थियो । जोशीको निधनको शोकमा देशभरका सरकारी कार्यालय, सार्वजनिक संघसंस्था र विदेशस्थित कुटनीतिक नियोगमा राष्ट्रिय झण्डा झुकाउने निर्णय भएको पोखरेलद्वारा जारी गरिएको एक सूचनामा उल्लेख गरिएको छ ।