स्याङ्जा,२१ भदौ– स्याङ्जामा मनाइयो पुस्तकालय सप्ताह मनाइएको छ । “पढौ र पढाऔ, निरन्तर शिक्षाका लागि पुस्तकालय जाऔं” भन्ने नाराका साथ पुस्तकालय दिवस मनाईएको हो ।

पुस्तकालय सप्ताह अन्तरगत युगज्योति आधारभूत विद्यालय पुतलीबजार नगरपालपिका ४ मा विविध कार्यक्रम गरि पुस्तकालय दिवस मनाइएको सूर्योदय क्लवले जनाएको छ ।

कार्यक्रममा क्लवका अध्यक्ष अनन्तकुमार श्रेष्ठले विद्यार्थिहरूको पठन सीप बृद्दि गरि स्वतन्त्र पाठक बनाउन सकेमा मात्रै शिक्षाको गुणस्तरमा सुधार आउने बताउनु भयो ।

कार्यक्रममा विद्यालयका प्रधानअध्यापक प्रकाश कार्की,े भाषा शिक्षक दुर्गा थापा राना, साक्षरता सहजकर्ता पूर्णकला सिंजाली र क्लवका कार्यक्रम ब्यवस्थापक मिरा मल्लल लगायतले कार्यक्रमको प्रभावकारीताका बारेमा बोल्नुभएको थियो ।विद्यार्थीहरूलाई पठन कलाको परिक्षण गरि पुरस्कृत समेत गरिएको सूर्योदय क्लवले जनाएको छ ।

रूम टु रिड र जिल्लाका ५ ओटा पालिकाहरूको आर्थिक तथा प्राविधिक सहयोग र सूर्योदय क्लवको ब्यवस्थापनमा ४४ ओटा सामुदायिक विद्यालयमा साक्षरताकार्यक्रम संचालन गरिएको छ ।