स्याङ्जामा नौ जनाको मृत्यु, एक सय १२ घर पहिरो जोखिममा

फाईल तस्विरः

अर्जुन काफ्ले

स्याङ्जा,२६ असार- मनसुन सुरु भएसँगै स्याङ्जामा नौ जनाले ज्यान गुमाएका छन् भने सात जना बाढी पहिरोले घाइते भएका छन् । तीन घर पूर्णरूपमा क्षति भएको छ भने ११२ घर पहिरोको जोखिम रहेको जिल्ला प्रहरी कार्यालय स्याङ्जाका प्रहरी नायब उपरीक्षक इन्द्रबहादुर रानाले बताउनुभयो । 

त्यस्तै ११ गोठ पूर्णरूपमा क्षति हुँदा ३७ पशुचौपाया मरेको जिल्ला प्रहरी कार्यालयले जनाएको छ । १२ चौपाया घाइते भएका छन् भने २७ गोठ पहिरोको जोखिममा छन् । 

११ पालिका रहेको जिल्लामा पुतली बजारमा दुई जनाले ज्यान गुमाएका थिए भने ६÷६ घर र गोठ जोखिममा रहेका छन् भने दुई घरमा सामान्य क्षति पुगेको छ । 

त्यस्तै बिरुवा गाउँपालिकामा तीन जनाले ज्यान गुमाएका छन् भने पाँच जना मानिस घाइते भएका छन् । दुई घर पूर्णरूपमा क्षति भएको थियो भने एक घर जोखिममा छ । 

त्यस्तै गल्याङमा २४ घर र एक गोठ जोखिममा छन् भने ३ चौपाया मरेका छन् । त्यस्तै वालिङमा विपदबाट एक जना घाइते हुनुका साथै सात घर र छ गोठ जोखिम रहेको प्रहरीले जनाएको छ । 

वालिङमा चार चौपाया मरेका छन् भने तीन चौपाया घाइते भएका छन् । त्यस्तै भीरकोटमा एक जनाले ज्यान गुमाएका थिए भने एक घर पूर्ण क्षति हुँदा ३२ घर र ६ गोठ जोखिम रहेको जिल्ला प्रहरी कार्यालयले जनाएको छ । 

भीरकोटमा एक गोठ पूर्ण क्षति भएको थियो भने २० चौपाया मर्नुका साथै एक घाइते भएको प्रहरीले जनाएको छ । 

यस्तै आँधीखोला गाउँपालिकामा एक जना मानिसले ज्यान गुमाएका थिए भने एक जना घाइते भएका छन् । 

आँधीखोलामा दुई गोठ पूर्णरूपमा क्षति हुँदा दुई चौपाया मरेका थिए भने एउटा चौपाया घाइते भएका छन् । त्यस्तै १९ घरमा सामान्य क्षति भएको छ भने एक गोठ जोखिममा रहेको प्रहरीले जनाएको छ । 

त्यस्तै फेदीखोलामा दुई मानिसले ज्यान गुमाएका थिए भने एक घर जोखिममा छ । कालीगण्डकीमा ६ घर र दुई गोठ जोखिममा छन् । त्यस्तै हरिनासमा दुई गोठमा क्षति हुँदा ३ चौपाया मरेका छन् भने दुई घर जोखिममा छन् । 

त्यस्तै अर्जुनचौपारीमा एक गोठमा पूर्ण रूपमा क्षति हुँदा पाँच चौपाया मरेका छन् भने ७ चौपाया घाइते भएका छन् । त्यस्तै ३३ घर र छ गोठ पहिरोको जोखिममा छन् । 

समाज भवन, स्वास्थ्य केन्द्र भवन र सवारी साधन गरी ११ वटामा क्षति भएको प्रहरीले जनाएको छ ।गोप

ताजा

वर्षातमा उर्लेको त्रिशूली नदी

२०८१ असार २६ गते, बुधबार

वर्षातमा उर्लेको त्रिशूली नदी

२०८१ असार २६ गते, बुधबार

नेपालमा धान : उत्पादनमा वृद्धि हुँदै, आकर्षण घट्दै

२०८१ असार २६ गते, बुधबार

स्याङ्जामा नौ जनाको मृत्यु, एक सय १२ घर पहिरो जोखिममा

२०८१ असार २६ गते, बुधबार

सेतीवेणी शालिग्राम शिला डुबानमा

२०८१ असार २२ गते, शनिबार

सिद्धार्थ राजमार्गमा दर्जनाै ठाउँमा पहिराे, सयाैँ यात्रु अल्पत्र

२०८१ असार २२ गते, शनिबार

एमाले वालिङ नगरकमिटीको सपथ ग्रहण

२०८१ असार १५ गते, शनिबार

मन छुने मुस्ताङ

२०८१ असार १५ गते, शनिबार

फेदीखोला पहिरो पीडितलाई आर्थिक सहयोग

२०८१ असार १५ गते, शनिबार

पहिरोमा पुरिएर आमा छोरीको मृत्यु

२०८१ असार १५ गते, शनिबार

विरुवा गाउँपालिका गण्डकी प्रदेशमै पहिलो बालश्रम मुक्त पालिका घोषणा

२०८१ असार १४ गते, शुक्रबार

2022 Copyrights Reserved at gandakisamachar.com

Designed & Developed By:Web House Nepal