गण्डकी प्रदेशका मुख्यमन्त्रि सुरेन्द्रराज पाण्डेले गण्डकी प्रदेशले स्वास्थ्यलाई पहिलो प्राथमिकता दिएको बताउनुभएको छ । मङ्गलबार स्याङ्जाको वालिङमा स्वास्थ्य संस्थाहरुको भवन उद्घाटन गर्नुहुँदै मुख्य मन्त्री पाण्डेले गण्डकी प्रदेशले नागरिकहरुको स्वास्थ्यलाई पहिलो प्राथमिकता दिएको बताउनुभएको हो ।
दूरदराजमा रहेका नागरिकले स्वास्थ्य सेवाबाट बञ्चित हुन नपरोस भनेर स्वास्थ्य सेवा विस्तारमा जुटेको उहाँको भनाई छ । आवश्यकताको आधारमा विषेशज्ञ सहितको अस्पताललाई प्रदेशले महत्व दिन्छ, मुख्यमन्त्रिी पाण्डेले भन्नुभयो, “नागरिकको सहज पहुँचमा स्वास्थ्य पु¥याउने हाम्रो पहिलो प्राथमिकता हो । उपचारको अभावमा कोही पनि नागरिकको अकालमा मृत्यु नहोस भन्ने हेतुका साथ प्रदेशले विभिन्न जिल्लाहरुमा नागरिकलाई पायक पर्ने स्थानहरुमा स्वास्थ्य संस्थाहरु स्थापना गरी सोही अनुसारको जनशक्ति र उपकरणको व्यवस्था गर्नेछ ।”
गण्डकी प्रदेश हरेक क्षेत्रमा फड्को मार्दै अगाडि बढेको भन्दै नागरिकको हित हुने कार्यमा सबैले सहकार्य र हातेमालो गर्नुपर्नेमा मुख्यमन्त्रि पाण्डेको जोड छ । नागरिकका आधारभूत आवश्यकताहरु शिक्षा, स्वास्थ्य, खानेपानीलगायतको ग्यारेन्टीका लागि सरकार हरसम्ंभव लागिपरेको उहाँले औंल्याउनुभयो । प्रदेशका दुर्गम जिल्लाहरुमा आधारभूत आवश्यकताहरुको पनि सहज परिपूर्ति नभईरहेको अवस्थामा वर्तमान सरकारले प्रदेशका दुरदराजमा पनि नागरिकको जीवन सहज र सरल बनाउने प्रयास गरेको मुख्यमन्त्री पाण्डेले उल्लेख गर्नुभयो ।
यो वर्षदेखि १० वर्ष मुनिका बालबालिकाहरुका लागि स्वास्थ्य परीक्षण निःशुल्क गराउने पनि उहाँले व्यक्त गर्नुभयो । उहाँले यसका साथै दीर्घ रोगी र ज्येष्ठ नागरिकहरुका लागि निमोनियाको निःशुल्क व्यवस्था गरेको बताउनुभयो ।
वडा नं. १२ को सिर्सेकोट दहपोखरीमा भौतिक रुपमा वडा नवनिर्मित वडा कार्यालय भवनकोसाथमा स्वास्थ्य चौकीको उद्घाटन गरिएको हो । वालिङका अन्य १२ वटा स्वास्थ्य संस्थाको मुख्यमन्त्री पाण्डेले भर्चुवल रुपमा उद्घाटन गर्नुभएको हो । वालिङको १२ सहित, १, २, ३, ५, १०, ११, १२, १३ र १४ मा गरी १२ वटा स्वास्थ्य चौकीको उद्घाटन गरिएको हो ।
आर्थिक वर्ष २०७६÷०७७ मा नेकपा एमालेकि सचिव तथा पूर्वमन्त्री पद्मा अर्यालको कार्यकालमा एक वडा एक स्वास्थ्य चौकी कार्यक्रम तथा एक पालिका एक अस्पताल अभियानको थालनी भएको थियो । स्वास्थ्य चौकी विहिन १२ सय वडामा स्वास्थ्य चौकी बनाउन बजेट विनियोजनसमेत गरिएको थियो । सोहि अनुसार एकैसाथ १२ सय स्वास्थ्य चौकी निर्माण गर्ने तत्कालिन सरकारले ल्याएको कार्यक्रम अन्तर्गत वडाहरुमा स्वास्थ्य चौकिहरु निर्माण भएका हुन् ।