वालिङ,७असोज-फेदीखोला गाउँपालिकाले शिक्षक महासंघको नेतृत्वमा भएको काठमाडौँ केन्द्रित आन्दोलनका कारण भएको विद्यार्थीको पढाइको क्षतिलाई मध्यनजर गर्दै दशैको घटस्थापना पछिका दुई दिन असोज २९ र ३० गते सबै सामुदायिक विद्यालयहरुलाई अध्ययन अध्यापन गराउन परिपत्र गरेको छ ।
गाउँपालिका अन्तर्गतका सामुदायिक विद्यालयहरुमा असोज ४ र ५ गते अध्ययन अध्यापन स्थगित हुँदा विद्यार्थीहरुको पढाइमा क्षति पुगेको भन्दै घटस्थापनापछिको २ दिन अध्यापन गराउन गाउँपालिकाले अनुरोध गरेको हो ।
विद्यार्थीहरुको पढाइलाई ध्यानमा राखेर यस्तो निणर्य गरिएको गाउँपालिका अध्यक्ष घनश्याम सुवेदीले बताउनुभयो ।