काठमाडौं,३ असोज- नेकपा एमालेले संविधान दिवसका अवसरमा विशेष कार्यक्रमको आयोजना गरेको ।
काठमाडौं नक्सालको नारायण चौरमा एमालेले राष्ट्रिय झण्डासँग सेल्फी कार्यक्रमको आयोजना गरेको हो ।

एमाले अध्यक्ष केपी शर्मा ओली लगायतका नेताहरूले नक्सालको नारायण चौरमा गएर राष्ट्रिय झण्डासँग सेल्फी खिचाएकाछन् ।

नारायण चौर क्षेत्रमा वरिपरि नेपालको झण्डा गाडिनुका साथै, ठूलो आकारमा नेपालको चुच्चे नक्सा पनि राखिएको छ । साथै त्यहाँ राष्ट्रिय दिवस, हाम्रो लोकतन्त्र, हाम्रो गणतन्त्र, हाम्रो संविधान लेखिएका बोर्डहरू राखिएका छन् ।

आज बिहानैदेखि नारायण चौरमा सेल्फी खिचाउने युवायुवतीको भिड लागेको थियो । कार्यक्रममा एमाले नेता तथा कार्यक्रर्ताको बाक्लो उपस्थिती रहेको थियो भने त्यहाँ पुग्नेहरु राष्ट्रिय झण्डासँग सेल्फी खिच्न ब्यस्त देखिन्थे ।