रामपुरमा खानेपानी महसुल दर घट्यो


पाल्पा,१७ साउन-रामपुर साना शहरी खानेपानी तथा सरसफाई आयोजना अन्तर्गतका उपभोक्ताका निम्ति खानेपानी महसुल दरमा छुट हुने भएको छ । ९ देखि २० युनिट सम्म खपत गर्ने उपभोक्ताले यस अघि प्रतियुनिट ४० रुपैँयाका दरले तिर्दै आएकोमा महसुल दर घटाएर प्रति युनिट ३० रुपैँया कायम गरिएको छ भने २१ युनिट भन्दा माथि खपत गर्ने उपभोक्ताहरुले यस अघि ६३ रुपैँया प्रतियुनिट तिर्दै आएकामा छुट गरी ५३ रुपँैया कायम गरिएको आयोजनाले जनाएको छ ।
रामपुर साना शहरी खानेपानी तथा सरसफाई आयोजनाले मंगलबार पत्रकार सम्मेलन कार्यक्रमको आयोजना गरेर रामपुर नगरपालिकामा वितरण गरिएको खानेपानीको महसुल घटाएको जानकारी गराएको हो ।
कार्यक्रममा आयोजनाका अध्यक्ष राजुप्रसाद श्रेष्ठले आयोजनाका गतिविधि, भावी योजनाबारे प्रष्टयाउनुभएको थियो । २०६७ सालमा स्थापना भएको आयोजना अन्तर्गत रामपुर नगरपालिकाको वडा नम्बर ४, ५, ६ र ७ मा करिब १३ सय घरपरिवारलाई खानेपानी सुविधा पुगेको जानकारी अध्यक्ष श्रेष्ठले दिनुभयो । साढे ४ लाख लिटर, साढे २ लाख लिटर तथा साढे १ लाख लिटर पानी संकलित टंयाङकीमार्फत पानी वितरण भएको र नगरपालिकाबाट प्राप्त १५ लाख रुपैँयाको लागतमा रामपुर ५ राम्चे बाङ्गेवारीमा अर्को टंयाङ्की निर्माणको काम भइरहेको कार्यक्रममा जानकारी गराइएको छ ।
आयोजनाका अध्यक्ष तथा लुम्बिनी प्रदेशसभा सदस्य श्रेष्ठले करिब ३४ सय ९३ धारा मार्फत खानेपानी उपभोक्ताले प्रयोग गर्दै आएको र अहिलेसम्म ३ हजार ९ सय २३ धारा जडान गरिएको जानकारी दिनुभयो । उहाँले १ सय ८० किलोमिटर पाइप बिच्छ्याइएको र आगामी दिनमा उपभोक्तालाई करिब ७ हजार धारा पुग्ने र प्रतियुनिट १० रुपैैँया छुट दिने योजना रहेको बताउनुभयो ।
करिब ४ सय ४२ घरधुरी विपन्न परिवारलाई निशुल्क खानेपानी उपलब्ध गराएको आयोजनाले जनाएको छ । घटाइएको महसुल दर यही साउन १ गते देखि लागू हुने जनाइएको छ ।

ताजा

स्याङ्जामा लक्ष्य भन्दा बढी मुद्दा फछ्र्यौट

२०८१ श्रावण ३ गते, बिहीबार

स्याङ्जामा लक्ष्य भन्दा बढी मुद्दा फछ्र्यौट

२०८१ श्रावण ३ गते, बिहीबार

आज हरिशयनी एकादशीः तुलसीको बिरुवा सारिँदै

२०८१ श्रावण २ गते, बुधबार

नवनियुक्त १९ मन्त्रीद्वारा शपथ ग्रहण

२०८१ असार ३१ गते, सोमबार

उपप्रधानमन्त्रीमा सिंह र पौडेलद्वारा शपथग्रहण

२०८१ असार ३१ गते, सोमबार

चेपाङले चिनेको, समाजले नचिनेको चिउरी

२०८१ असार ३१ गते, सोमबार

नवनियुक्त प्रधानमन्त्री ओलीद्वारा शपथ ग्रहण

२०८१ असार ३१ गते, सोमबार

पाेखरीमा डुबेर दुई बालिकाकाे मृत्यु

२०८१ असार ३० गते, आईतवार

एमाले अध्यक्ष ओली प्रधानमन्त्री नियुक्त 

२०८१ असार ३० गते, आईतवार

चुम उपत्यकाको चमक

२०८१ असार २९ गते, शनिबार

आज भानु जयन्ती: भानुगृह पुनःनिर्माणको पर्खाइमा चुँदीरम्घा शिखरकटेरी

२०८१ असार २९ गते, शनिबार

2022 Copyrights Reserved at gandakisamachar.com

Designed & Developed By:Web House Nepal