वालिङ,१४ साउन- कालीगण्डकी गाउँपालिकाले विपन्न परिवारलाई घर निर्माण गरेर वितरण गरेको छ ।
गाउँपालिकाले वडा नम्वर ४ र ५ मा घर बिहिन भएका तीन परिवारलाई घर निर्माण गरेर हस्तान्तरण गरेको हो ।
पालिकाले तीन परिवारलाई दुई कोठे घर निर्माण गरेर शनिबार एक कार्यक्रमको आयोजना गरेर घर वितरण गरिएको जनाएको छ ।

पालिका भित्र कोही पनि आवास (घर) बिहिन नहुन भन्ने उद्देश्यले आर्थिक वर्ष २०७९/०८० को कार्यक्रममा बजेट विनियोजन गरेर तीन ओटा घर निर्माण गरेर आर्थिक अवस्था कम्जोर भएका बेसाहारा घरपरिवारलाई घर हस्तान्तरण गरिएको बताउनुभयो ।
घर निर्माणको लागि प्रति घर करिब चार लाख रुपैँया लागेको गाउँपालिकाले जनाएको छ ।