वालिङ,२१असार- वालिङ नगरपालिका ९ भुम्रेमा रहेको पिसजोन इन्टिग्रेटेड एजुकेसनल एकेडेमीबाट एसईईमा सहभागि भएका संगित भुसालले ४ जीपीए ल्याएर उत्तीर्ण भएकाछन् । आज प्रकाशित भएको एसईईको नतिजा अनुसार पिसजोन इन्टिग्रेटेड एजुकेसनल एकेडेमीबाट परीक्षामा सहभागी भएका सवै विद्यार्थीहरु राम्रो नतिजा ल्याएर उत्तीर्ण हुन सफल भएकाहुन ।
परीक्षामा सहभागी भएका ४० जना विद्यार्थीहरु मध्ये एक जना संगित भुसालले ४ जीपीए ल्याएकाछन भने ३.८५ ल्याउने दुई जना रहेकाछन । यसै गरी ३.८ ल्याउनेमा ४ जना, ३.७५ देखि ३.१ सम्म ल्याउने १४ जना र ३.०५ देखि १.९५ जीपीए ल्याउने १९ जना गरी विद्यालयले सत प्रतिशत उत्तीर्ण नतिजा ल्याउन सफल भएको विद्यालयका प्रिन्सिपल यामप्रसाद डुम्रेले (अमृत) जानकारी दिनुभयो ।
जिल्लामै ४ जीपीए सहित उत्कृष्ट नतिजा ल्याउन सफल भएको विद्यालयले दावी गरेको छ ।

यसै गरी गल्याङमा रहेको चिराग आवासिय माविका उमेश चापागाईले पनि ४ जीपीए ल्याउन सफल भएकाछन् ।