वालिङ,६ चैत– वालिङ क्याम्पसमा आइतबार सम्पन्न निर्वाचनको मत परिणाम सार्वजनीक भएको छ । आज बिहान सार्वजनीक मत परिणाम अनुसार नेविसंघका सन्दिप कँडेल सभापतिमा विजयी हुनुभएको छ । एक सदस्य बाहेक सबै पदमा नेविसंघका उम्मेदवार विजयी भएकाछन भने एक सदस्यमा अनेरास्ववियु (कान्तिकारी) विजयी भएको छ ।

निर्वाचित अन्य पदाधिकारीहरुमा सचिवमा नेविसंघका राजिव कुँवर, कोषाध्यक्षमा सुमना लामिछाने, सदस्यहरुमा अस्विन कुमार रेग्मी, बादल लामिछाने, ओमप्रसाद गुरुङ, दिपा डाला मगर, आकृति पाण्डे, सविना सुनार र अनेरास्ववियु (क्रान्तिकारी) बाट सदस्यमा डिला भुषाल विजयी हुनुभएको छ ।
लामो समय सम्म अनेरास्ववियुको बचस्व रहदै आएको यस क्याम्पसमा नेविसंघ र अनेरास्ववियु (क्रान्तिकारी) गठबन्धन गरेर निर्वाचनमा गएका थिए ।