वालिङ,१० माघ– वालिङमा भू–उपयोग क्षेत्र वर्गीकरण सम्बन्धी छलफल तथा अभिमुखीकरण कार्यक्रम गरिएको छ ।

वालिङ नगरपालिकाको आयोजनामा भू–उपयोग क्षेत्र वर्गीकरण सम्बन्धी छलफल तथा अभिमुखीकरण कार्यक्रम सोमबार गरिएको हो । कार्यक्रममा आत्मनिर्भर सामुदायिक सेवाकेन्द्र काठमाडौका भूमिविज्ञ गोपाल गिरी र जगत देउजाले सहजीकरण गर्नुभएको थियो ।

कार्यक्रममा जनप्रतिनिधिहरुका साथै विभिन्न कार्यालयका प्रमुखहरुको सहभागिता रहेको थियो । कार्यक्रममा बोल्ने बक्ताहरुले जग्गाको वर्गीकरण कार्य आफैमा जटिल भएपनि यो निकै महत्वपूर्ण कार्यभएकोले राज्यको नीति अनुसार सबैको सहयोग र सहकार्यमा अगाडी बढ्नुपर्ने बताएकाछन् ।
नगरपालिकाको १४ वटै वडामा जग्गा वर्गीकरण सम्बन्धी खाका तयार पारिएको वालिङ नगरपालिकाले जनाएको छ ।