वालिङ,८ माघ-रोजगारीको शिल्शिलामा दक्षिण कोरियामा रहेका स्याङ्जालीहरुको संस्था स्याङ्जा परिवार दक्षिण कोरियाको अध्यक्षमा भक्त थापा निर्वाचित हुनुभएको छ ।

वालिङ नगरपालिका वडा नम्बर १२ डाँडाखर्क स्थायी घर हुनुभएका थापा विगत लामो समयदेखि रोजगारीको शिल्शिलामा दक्षिण कोरियामा रहनुभएको छ । स्याङ्जा परिवार दक्षिण कोरियाको बाह्रौ अधिवेशनबाट थापा अध्यक्षमा निर्वाचित हुनुभएको हो ।

यसैगरी समितिका अन्य पदाधिकारीहरुमा वरिष्ठ उपाध्यक्षमा सुशिल गुरुङ, उपाध्यक्षमा माधव अर्याल र कमल रेग्मी, महिला उपाध्यक्षमा मञ्जु गुरुङ, सचिवमा टोजिन्द्र गुरुङ, सहसचिवमा रामप्रसाद पंगेनी, कोषाध्यक्षमा अर्जुन अर्याल, सहकोषाध्यक्षमा सीता मोची र सदस्यहरुमा खिम सिंजाली मगर, कृष्ण गुरुङ, नारायण न्यौपाने, दुर्गा भण्डारी, शालिग्राम अर्याल, गरुदत्त डुम्रे, चेत बहादुर गाहा मगर, रबिन पंगेनी, अनिल अधिकारी र टोप बहादुर थापा मगर रहनुभएको छ ।