एउटै गोल नखाई सेमिफाइनलमा मोरोक्को

काठमाडौं,२५ मङ्सिर– कतारमा जारी विश्वकपको सेमिफाइनल समीकरण पूरा भएको छ । विश्वकपको सर्वाधिक पाँच पटकको च्याम्पियन ब्राजिलदेखि चार पटकको च्याम्पियन जर्मनी इङ्गल्यान्ड र स्पेनको विश्वकप यात्रा बीचैमा सकिएको छ ।

चर्चित टोली विश्वकपबाट बाहिरिएसँगै अब साबिक विजेता फ्रान्स, साबिक उपविजेता क्रोएसिया, पूर्व विजेता अर्जेन्टिना र नयाँ टोली मोरोक्कोले सेमिफाइनलमा स्थान बनाएका छन् । सेमिफाइनलमा मंगलबार अर्जेन्टिना र क्रोएसिया तथा बुधबार मोरोक्को र साबिक विजेता फ्रान्सबीच प्रतिस्पर्धा हुनेछ । 

विश्वकपको इतिहासमै अफ्रिकी टोली पहिलो पटक सेमिफाइनलमा पुगेको हो । मोरोक्कोले विश्वकपमा अफ्रिकी देशबाटै पहिलो पटक सेमिफाइनलमा प्रतिनिधित्व गर्ने टोलीको नयाँ इतिहास रचेको छ । इतिहाससँगै मोरोक्को जारी विश्वकपमा एउटै गोल नखाई सेमिफाइनलमा पुग्ने टोलीसमेत बनेको छ।

कतार विश्वकपमा मोरोक्कोले समूह ‘एफ’ बाट प्रतिस्पर्धा गरेको थियो । मोरोक्कोले समूहको पहिलो खेलमा क्रोएसियासँग गोलरहित बराबरी खेलेको थियो । दोस्रो खेलमा विश्व नम्बर दुई वरीयताको बेल्जियमलाई २–० गोलले पन्छाएको मोरोक्कोले तेस्रो खेलमा क्यानडालाई २–१ गोलले हराएको थियो ।

तर, मोरोक्कोले क्यानडासँग खाएको गोल आत्मघाती थियो । समूह चरणमा तीन खेलबाट सात अङ्क बनाएको मोरोक्को समूह विजेता बन्दै नकआउट चरणमा पुगेको थियो । सन् १९८६ पछि मोरोक्को पहिलो पटक विश्वकप फुटबल प्रतियोगिताको नकआउट चरणमा पुगेको हो ।

विश्वकप अघि कसैलै नपत्याएको मोरोक्कोको यात्रा बिस्तारै उकालो लागेको छ । मोरोक्कोले नकआउट चरणमा पनि आफ्नो दमदार प्रदर्शन जारी राख्यो । मोरोक्कोले अन्तिम १६ मा पूर्व विजेता स्पेनलाई टाइब्रेकरमा ३–० गोलले स्तब्ध बनायो । त्यसपछि क्वार्टरफाइनलमा क्रिस्टियानो रोनाल्डो प्रेरित पोर्चुगललाई १–० गोलको हार चखाएपछि मोरोक्को विश्व फुटबलमा नयाँ शक्तिको रूपमा स्थापित भएको छ ।

सेमिफाइनलसम्म आइपुग्दा बलिया टोलीलाई हराउने र गोल नखाने मोरोक्कोको खेलले विश्व फुटबलमा नयाँ तरङ्ग पैदा भएको छ । त्यसैले बुधबार फ्रान्सले सेमिफाइनलमा भिड्दा मोरोक्कोको कडा चुनौतीको सामना गर्नुपर्ने देखिन्छ । एजेन्सी 

ताजा

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

समाचार प्रभाव: आज बाह्रबिसे मेला लाग्ने, तयारी पुरा

२०८१ बैशाख ५ गते, बुधबार

बाह्रबिसे मेला लाग्ने

२०८१ बैशाख ४ गते, मंगलवार

बस बाट खसेर विद्यार्थीकाे मृत्यु

२०८१ बैशाख ३ गते, सोमबार

यश पालि लाग्लाकी के गर्ला बाह्रबिसे मेला

२०८१ बैशाख ३ गते, सोमबार

किन गर्नुपर्छ वास्तुशास्त्र अध्ययन ?

२०८१ बैशाख २ गते, आईतवार

आजदेखि विद्यार्थी भर्ना अभियान सुरु

२०८१ बैशाख २ गते, आईतवार

सेतीवेणीमा दर्शनार्थीकाे भिड फाेटाे फिचर भिडियाे सहित

२०८१ बैशाख १ गते, शनिबार

गुराँससँग रमाउन र हिमाल हेर्न घोडेपानी

२०८० चैत्र ३० गते, शुक्रबार

गल्याङ महाेत्सव आजदेखि सुरु

२०८० चैत्र ३० गते, शुक्रबार

2022 Copyrights Reserved at gandakisamachar.com

Designed & Developed By:Web House Nepal