वालिङ,२५ कात्तिक– वालिङ नगरपालिका १४ काफ्लेटीमा दुई महिला सहित एक पुरुषलाई आक्रमण गरि घाईते बनाएको चितुवा मृत अवस्थामा भेटिएको छ ।

आज बिहान तुलसा पराजुलीलाई आक्रमण गरि घाईते बनाएको चितुवा तुलसाको घरभित्र पसेको थियो । बिहान नौ बजेतिर स्थानीयलाई आक्रमण गरे घरभित्र छिरेको चितुवालाई सुरक्षाकर्मी बन कार्यालयका कर्मचारी र स्थानीय बासिन्दाको पहलमा घरबाट बाहिर निकाल्ने प्रयास गर्दा चितुवा मृत अवस्थामा भेटिएको हो ।

वालिङ १२ का किसनलाल न्यौपाने र वालिङ १४ की लक्ष्मी पराजुलीलाई आक्रमण गरि घाईते बनाएको चितुवा एकास्सी तुलसाको घरको बार्दलीमा पसेर बार्दलीमा बसिरहेकी लुलसालाई आर्कमण गरेको स्थानीय गोपाल पराजुलीले जानकारी दिनुभयो । सिनलाललाई खेतमा र लक्ष्मीलाई आफ्नै घर नजिकै आर्कमण गरेको चितुवा केही समय पछि तुलसाको घरमा प्रवेश गरेर आक्रमण गरेको हो ।

तुलसालाई आक्रमण गरेर घरको कोठा भित्र छिरेको चितुवालाई तुलसाले बाहिर बाट ढोका बन्द गरिदिएपछि चितुवा घर भित्रै थुनीएको थियो । बिहान देखि घर भित्र थुनिएको चितुवाले दिउसो करिब एक बजे सम्म कोठाबाट झ्यालमा हानीरहेपनि करिव ३ः ३० बजेतिर बन कार्यालयका कर्मचारी, सुरक्षाकर्मी र स्थानीयबासिन्दाले चितुवा रहेको कोठाबाहिर खोर राखेर बाहिल निकाल्ने प्रयास गर्दा चितुवाले कुनै प्रतिकृया नजनाएपछि बन कार्यालयका कर्मचारीले चितुवा मरिसकेको अनुमान गर्दै कर्मचार कोठाभित्र पसेर हेर्दा चितुवा मृत अवस्थामा भेटिएको हो ।

मृत अवस्थामा भेटिएको चितुवालाई नवकार्यालका कर्मचारी र सुरक्षाकर्मीले जिल्ला बनकार्यालय लगेका छन् । घाईते हुनुभएका किसानलाल, तुलसा र लक्ष्मीको पोखरामा उपचार भइरहेको छ , किसानलालको छाती र हातमा चोट लागेको छ, लक्ष्मीको हातमा चोट लागेको छ भने तुलसाको अनुहारका साथै टाउँकोमा चोट लागेको छ । बिहानको समयमा एककासी घर भित्रै पसेर चितुवाले आर्कमण गर्नथालेपछि स्थानीय बासिन्दा त्रसित बनेका छन् ।