वालिङ,२१ कात्तिक– नेकपा एमालेका अध्यक्ष एवं पूर्व प्रधानमन्त्री केपी शर्मा ओली आज स्याङ्जा आउनुहुने भएको छ ।

नेकपा एमाले निर्वाचन परिचालन कमिटी स्याङ्जाद्वारा जिल्ला सदरमुकाममा आयोजीत चुनावी सभालाई सम्बोधन गर्न पार्टी अध्यक्ष ओली स्याङ्जा आउने एमाले स्याङ्जाका अध्यक्ष सूर्य प्रसाद गैह्रे (पारस)ले जानकारी दिनुभयो ।

स्याङ्जा सदरमुकाम स्थित टुडिखेलमा आयोजीत चुनावी सभालाई एमाले अध्यक्ष केपी शर्मा ओली लगायतका एमाले नेताहरुले सम्बोधन गर्ने कार्यक्रम रहेको एमालेले जनाएको छ । दिउसो १२ बजेदेखि सुरुहुने कार्यक्रमको सम्पूर्ण तयारी पुरा भएको समेत जिल्ला अध्यक्ष पारसले बताउनुभयो ।