माओवादी केन्द्र चितवन जिल्ला सहइन्चार्ज रेग्मी एमाले प्रवेश


चितवन,९ कात्तिक- नेकपा माओवादी केन्द्र चितवन जिल्ला सहइन्चार्ज रमेश रेग्मी (अमर) एमाले प्रवेश गर्नुभएकाे छ ।

एमाले अध्यक्ष केपी शर्मा ओली निवास बालकाेटमा जिल्ला सहइन्चार्ज रेग्मीसहित माओवादी केन्द्र निकटकाे प्रेस सेन्टरका केन्द्रीय सचिव प्रल्हाद पाेखरेल एमाले प्रवेश गरेको एमाले बागमती प्रदेश कमिटी सचिव विजय सुवेदीले जानकारी दिनुभयाे ।

यसअघि माओवादी केन्द्रका जिल्ला इन्चार्ज तथा केन्द्रीय सदस्य यमबहादुर परियार भदाैं ३१ गते एमाले प्रवेश गर्नुभएकाे थियाे । परियार र रेग्मीको प्रवेशसँगै माओवादी केन्द्र चितवन जिल्ला इन्चार्ज र सहइन्चार्ज विहिन भएको छ ।
एमाले प्रवेश गरेका जिल्ला सहइन्चार्ज रेग्मीले माओवादी केन्द्र दाहाल एण्ड कम्पनीको रूपमा विकास भएकोले त्यहाँ बस्दा नेपाली कम्युनिस्ट आन्दोलनलाई थप क्षति र वर्वादी गर्ने भएकोले कम्युनिस्ट आन्दोलनकाे मूल धार एमालेमा प्रवेश गरेको बताउनुभयाे। पार्टीलाई सहि बाटाेमा ल्याउन पार्टी भित्र अन्तरसंघर्ष गरे पनि प्रचण्डले जे भन्छन् त्यहीँ नियम र कानुन बन्ने गरेकाे भन्दै ब्यक्तिवाद हावी भएको नेता रेग्मीले बताउनुभयाे ।

पछिल्लो समयमा माओवादी केन्द्र कांग्रेससँग आत्मसमर्पण गर्न पुगेको भन्दै कांग्रेसले छुट्टाएकाे भाग खाने ठाउँमा माओवादी पुगेकाे उहाँकाे भनाइ थियाे । कांग्रेसलाई ठूलो पार्टी बनाउन हिड्ने कदापि कम्युनिस्ट हुन नसक्ने ठहरसहित एमालेमा समाहित भएको रेग्मीले बताउनुभयाे ।

उहाँले कम्युनिस्टहरू एमालेमा केन्द्रीकृत हुन आवश्यक भएको बताउँदै अरू पनि नेता कार्यकर्ता एमालेमा आउन आतुर रहेको बताउनुभयाे । माओवादीकाे केन्द्रीय महाधिवेशनबाट एमसीसी पास नगराउने निर्णय सर्वसम्मतिले भए पनि प्रचण्ड एक्लैले त्यसलाई लत्याएकाे घटनाले माओवादी थप उदांगाे भएको नेता रेग्मीकाे भनाइ थियाे ।

ताजा

कांग्रेस र एमालेद्वारा राष्ट्रपतिसमक्ष सरकार गठनको दाबी पेश

२०८१ असार २८ गते, शुक्रबार

कांग्रेस र एमालेद्वारा राष्ट्रपतिसमक्ष सरकार गठनको दाबी पेश

२०८१ असार २८ गते, शुक्रबार

एमाले अध्यक्ष ओली तेस्रो पटक प्रधानमन्त्री बन्दै

२०८१ असार २८ गते, शुक्रबार

अकला नमुना साना किसान शनिबार खुला रहने

२०८१ असार २८ गते, शुक्रबार

चितवन दुर्घटना अपडेट : गोताखोरबाट बेपत्ताको खोजी सुरु

२०८१ असार २८ गते, शुक्रबार

त्रिशूली नदीमा दुई वटा बस खस्याे, ६५ जना यात्रु बेपत्ता

२०८१ असार २८ गते, शुक्रबार

कास्कीमा पहिरोेमा परेर एकै परिवारका सातसहित नौ जनाको मृत्यु

२०८१ असार २८ गते, शुक्रबार

नारायणी नदीले सतर्कता तह पार गर्‍यो

२०८१ असार २७ गते, बिहीबार

राजनीतिक स्थायित्वका लागि नयाँ समीकरण

२०८१ असार २७ गते, बिहीबार

निःशुल्क स्वास्थ्य सहायता कक्ष स्थापना

२०८१ असार २७ गते, बिहीबार

राष्ट्रिय परिचयपत्रले जेष्ठ नागरिकलाई दिएकाे सास्थि

२०८१ असार २७ गते, बिहीबार

2022 Copyrights Reserved at gandakisamachar.com

Designed & Developed By:Web House Nepal