पाल्पा,१८ असोज– पाल्पाको रैनादेवी छहरा गाउँपालिका वडा नं ३, भुवनपोखरीस्थित गोखुङ्गामा मन्दिर जाँदै गरेको जिप दुर्घटना हुँदा चार जना घाइते भएका छन् ।

गोखुङ्गामा पन्चबलिको सामग्रीसहित मन्दिरतर्फ जाँदै गरेको लु १ ज २५८३ नम्बरको जिप आज बिहान ११ः४५ बजे दुर्घटनामा परि ४ जना घाइते भएको जिल्ला प्रहरी कार्यालय पाल्पा जनाएको छ ।

घाइतेमध्ये १ जनाको अवस्था गम्भीर रहेको रैनादेवीछहरा–३ का जिल्ला प्रहरी कार्यालय पाल्पाका प्रवक्ता एवं सूचना अधिकारी प्रहरी नायव उपरिक्षक वीरेन्द्र थापाले जानकारी दिनुभयो ।

घाइतेहरूलाई स्थानीय बासिन्दा र प्रहरी मिलेर उद्धार गरिएको छ । उनीहरूलाई उपचारका लागि तानसेनतर्फ पठाइएको प्रवक्ता अधिकारीले जानकारी दिनुभयो। घटनाको सम्बन्धमा थप अनुसन्धान भइरहेको प्रहरीले जनाएको छ ।