वालिङ,१७ भदौ– केही दिन पहिले आफ्नो जन्म दिनको अवसर पारेर प्रतिनिधि सभा क्षेत्र नम्बर २ बाट उम्मेदवार बन्ने घोषणा गर्नुभएका टिकराज गुरुङ (सुकुलापुत्र नेपाली) आफुले घोषणा गरेको स्वतन्त्र उम्मेदवारी फिर्ता लिएर राष्ट्रिय स्वतन्त्र पार्टीमा प्रवेश गर्नुभएको छ ।

राष्ट्रिय स्वतन्त्र पार्टीले आज वालिङमा आयोजना गरेको जिल्ला भेलामा बोल्दै गुरुङले आफुले यस अघि स्वतन्त्र रुपमा प्रतिनिधि सभा क्षेत्र नम्बर २ बाट उम्मेदवार भन्ने भनि घोषणा गरेको उम्मेदवारी फिर्ता लिएको बताउदै अब आफु राष्ट्रिय स्वतन्त्र पार्टीको तर्फबाट उम्मेदवार बन्ने घोषणा गर्नुभएको हो । सोही कार्यक्रममा राष्ट्रिय स्वतन्त्र पार्टीका नेता मेघ आलेले पनि समानुपातिक तर्फबाट आफ्नो उम्मेदवारी घोषणा गर्नुभएको छ ।