वालिङ,८ भदौ– अखिल नेपाल महिला संघ वालिङ नगर कमिटीको आयोयजनामा जित विशेष कार्यक्रम वालिङ १ रामबाच्छामा सम्पन्न भएको छ ।

कार्यक्रमलाई सम्बोधन गर्दै नेकपा एमाले केन्द्रीय कमिटी सचिव तथा पूर्व मन्त्री पद्मा अर्यालले तिज पर्व महिला शसक्तिकरण संग जोडिनुपर्ने बताउनुभएको छ । बिगतमा मनाईने तिज र आज मनाईने तिजको शैलिमा परिर्वतन आएको भन्दै आजका महिलाहरु तिज पर्वमा महिला अधिकार सुनिश्चिताका लागि आवाज उठाउनुपर्ने बताउनुभयो । प्रतिनिधि सभासदस्य समेत रहनुभएकी अर्यालले तिजको मौलिक परम्परालाई संरक्षण गर्दै सामाजिक, आर्थिक तथा राजनीतिक क्षेत्रमा महिलाको नेतृत्व हुनुपर्छ भन्ने अठोटका साथ महिलाहरु एकिकृत हुनुपर्ने बताउनुभयो ।

संविधानमा महिलाका हक सुनिश्चित गरिएकोे भन्दै संविधानमा उल्लेख गरिएको अधिकारलाई आम महिला दिदीबहिनीहरु माँझ पु¥याउन र कार्यान्वयनका लागि महिलाहरु सशक्तरुपमा लाग्नुपर्ने बताउनुभयो ।

कार्यक्रममा एमाले केन्द्रीय सदस्य द्वोय सीता सुन्दास, सीमाकुमारी क्षेत्री, एमाले गण्डकी प्रदेश कमिटी उपाध्यक्ष मोहन रेग्मी लगायतले बोल्नुभएको थियो । कार्यक्रममा विविध सांस्कृतिक कार्यक्रम समेत प्रस्तुत गरिएको थियो ।