कला राना
स्याङ्जा,११ साउन– गत आर्थिक ०७८÷७९ मा स्याङ्जामा करिब १० हजार सवारी साधन कारबाहीमा परेका छन् । जिल्ला ट्राफिक प्रहरी कार्यालय स्याङ्जाले गत आर्थिक वर्षमा ९ हजार ९ सय १६ सवारीलाई कारबाही गरेको हो ।
२०७८ को साउनदेखि २०७९ को असारसम्म उक्त संख्यामा सवारी साधन कारबाहीमा पर्दा ७१ लाख ४२ हजार ५सय राजस्व संकलन भएको जिल्ला ट्राफिक प्रहरी कार्यालय स्याङ्जाले जनाएको छ ।

जिल्ला ट्राफिक प्रहरी कार्यालय स्याङ्जाका अनुसार गत आर्थिक वर्षको साउन महिनामा ४ सय ७६ सवारी साधन कारबाहीमा पर्दा ३ लाख ३७ हजार ५सय राजस्व संकलन भएको छ । त्यस्तै भदौ महिनामा ५ सय ४४ सवारी कारबाहीमा पर्दा ३ लाख ९५ हजार ५ सय अशोजमा ६ सय ८० सवारी कारबाहीमा पर्दा ४ लाख ८४ हजार ५सय रुपैँया राजस्व संकलन भएको छ ।
कार्तिकमा ८ सय १४ सवारी कारबाहीमा पर्दा ६ लाख ६५ हजार, मंसिरमा ६ सय ३९ सवारी कारबाहीमा पर्दा ४ लाख ८५ हजार ५सय पुसमा ७ सय सवारी कारबाहीमा पर्दा ४ लाख ८५ हजार, माघमा ७ सय ५० सवारी कारबाहीमा पर्दा ५ लाख ३१ हजार, फागुनमा ८ सय सवारी कारबाहीमा पर्दा ५ लाख ७१ हजार राजस्व संकलन भएको छ ।
त्यस्तै चैतमा ८ सय ५० सवारी कारबाहीमा पर्दा ६ लाख १४ हजार, बैसाखमा ९ सय ५० सवारी कारबाहीमा पर्दा ६ लाख ६४ हजार ५सय जेठमा ११ सय सवारी कारबाहीमा पर्दा ७ लाख ७१ हजार ५ सय र असारमा १६ सय १३ सवारी कारबाहीमा पर्दा ११ लाख ३७ हजार ५०० राजस्व संकलन भएको जिल्ला ट्राफिक प्रहरी कार्यालय स्याङ्जाका प्रमुख मिनबहादुर कुँवरले जानकारी दिनुभयो ।

गत आर्थिक वर्षको अन्तिम महिना असार महिनामा धेरै सवारी कारबाहीमा पर्दा अन्य महिनामा भन्दा असारमा राजस्व संकलनमा वृद्धि भएको छ । कारबाही पर्ने सवारीहरुमा ट्रक, बस, जिप कार भ्यान, ट्याक्टर, मोटरसाईकल लगायत छन् ।
जिल्ला ट्राफिक प्रहरी कार्यालयले पछिल्लो समय अभियान नै संचालन गरी अगाडि बढेको थियो । सिट क्षमता भन्दा बढी यात्रु राख्ने, लाईसेन्स नभएका, ओभरलोड, ओभर स्पिड, अनावश्यक हर्न, सवारीको अनावश्यक स्वरुप परिर्वतन, गाडीमा अनावश्यक स्टिकर राख्ने, गाडिको अगाडि भागमा झल्लरहरु झुुण्डयाउने, नम्बर प्लेड अस्पष्ठ रहेकालगायतका सवारी कारबाहीमा परेका छन् ।
कार्यालयका प्रमुख कुँवरका अनुसार असार महिनामा दुर्घटना न्युनिकरणका लागी विशेष गरी ठुला सवारी साधन तथा चारपाङ्गे्र सवारी साधनमा अनावश्यक रुपमा सिसा नदेखिने गरी झल्लर झुण्डाउने, डबल मिनिङ लाग्ने सायरीहरु लेखिएका, अनावश्यक पोष्टरहरु हटाउने अभियान संचालन गरिएको थियो । यस्ता गतिविधिले अगाडिको भाग नदेखिँदा दुर्घटना बढ्ने, दोहोरो अर्थ लाग्ने सायरीहरुले सामाजिक सदभावमा खलल आउने, लैंगिक हिंसामा बढवा दिने भन्दै प्रहरीले अभियान संचालन गरेको थियो ।