स्याङ्जा,८ साउन– नेपाल प्रेस युनियनको अध्यक्ष पदमा शिव लम्सालले अग्रता लिनुभएको  छ । हेटौंडामा शनिबार सम्पन्न भएको निर्वाचनमा अध्यक्ष पदका लागि शिव लम्साल र अनिता विन्दुले उम्मेदवारी दिनुभएको थियो । 

अहिले मतगणना जरी रहेको छ भने ९ सय २६ मत गणना हुदा अध्यक्षमा शिव लम्सालले ४ सय ९७ र अनिता विन्दुले ४ सय १ मत प्राप्त गर्नुभएको छ । लम्साल ९६ मतले अगाडि हुनुहुन्छ । यसैगरी महासचिवमा दिलिप पौडेलले अग्रता लिनुभएको छ ।

आजै साँझसम्म अध्यक्षसहित पदाधिकारी र लेखा समितिका पदाधिकारीको नतिजा आइसक्ने बताईएको छ । निर्वाचनमा कूल १३ सय ९३ मत खसेको थियो । शुक्रबार देखि सुरु भएको युनियनको निर्वाचनमा ७७ वटै जिल्ला शाखा, उपशाखा, काठमाडौं उपत्यका समिति, विभिन्न प्रतिष्ठान र सातवटै प्रदेश समितिका प्रतिनिधि तथा पर्यवेक्षक गरी एक हजार ६५० जना सञ्चारकर्मीको सहभागिता रहेको थियो ।