स्याङ्जा,२६ असार– चापाकाेट नगरपालिकाले एउटै होटेललाई झण्डै ५८ लाख खर्च भुक्तानी गरेको पाइएको छ ।

नगरपालिकाले आर्थिक वर्ष २०७४÷७५ देखि २०७८÷७९ को वैशाख २२ सम्म होटेल कालीगण्डकी एण्ड लजलाई मात्रै ५७ लाख ३० हजार ८३६ रुपैयाँ खर्च भुक्तानी गरेको हो । 

आर्थिक वर्ष २०७४÷७५ मा १४ लाख ४६ हजार ६३०, २०७५÷७६ मा ११ लाख २२ हजार ५६०, २०७६÷७७ मा १३ लाख ४२ हजार ९५८, २०७७÷७८ मा ९ लाख ४४ हजार ४२ र २०७८÷७९ को वैशाख २२ गतेसम्म ८ लाख ७४ हजार ६४६ भुक्तानी गरेको चापाकोट नगरपालिकाका प्रमुख प्रशासकिय अधिकृत दामोदर शर्माले बताउनुभयो ।

नगरपालिकाले सबैभन्दा बढी आर्थिक वर्ष २०७४÷७५ मा १४ लाख ४६ हजार ६३० र सबैभन्दा कम २०७८÷७९ को मा ८ लाख ७४ हजार ६४६ रुपैयाँ खर्च भुक्तानी गरेको पाइएको हो ।

नगरपालिकाले होटेल कालीगण्डकी एण्ड लजलाई विविध शीर्षक अन्र्तगत खाजा, खाना खर्च र अतिथि सत्कार खर्च वापत उक्त रकम बुझाएको हो । स्रोतः कालीगण्डकी खबर