वालिङ,५ वैशाख– वालिङ नगरपालिका १२ डाडाखर्कमा आइतबार बिहान जिप दुर्घटनामा परि मृत्यु भएका मध्ये चार जनाको सामुहिक दाहसंस्कार गरिएको छ । सोमबार वालिङ नगरपालिका १३ गाहाखोला नजिकै आँधिखोलाको किनारमा सामुहिक दाहसंस्कार गरिएको हो ।
दुर्घटनामा परि एक नाबालक सहित छ जनाको मृत्युभएपनि बालक र बालककी आमाको भने अफन्तको पर्खाइका कारण आज दाहसंस्कार हुन सकेन ।

आइतबार बिहान दुर्घटनामा परि मृत्युभएकाहरु मध्ये वालिङ नगरपालिका १२ डाडाखर्कका अङ्ग बहादुर डाला, बीर बहादुर डाला, हिरा डाला र वालिङ १४ की कुल कुमारी कनौचेको दाहसंस्कार गरिएको हो । अङ्ग बहादुर डाला, बीर बहादुर डाला दाजुभाई हुनुहुन्छ । दुर्घटनामा परि घाईते भएका अन्य घाईतेहरुको पोखरामा उपचार भइरहेको छ । अङ्ग बहादुर डालाको पोखरामा आज बिहान उपचारको क्रममा मृत्यु भएको हो ।