काठमाडौं,२ भदौ– राष्ट्रपति विद्यादेवी भण्डारीले मन्त्रिपरिषद्को सिफारिसमा दल विभाजनसम्बन्धी अध्यादेश जारी गर्नुभएको छ ।
राष्ट्रपतिका स्वकीय सचिव भेषराज अधिकारीले राष्ट्रपति भण्डारीले राजनीतिक दलसम्बन्धी ऐनलाई संशोधन गर्ने अध्यादेश जारी गर्नुभएको जानकारी दिनुभयो ।
नेपालको संविधानको धारा ११४ को उपधारा १ बमोजिम मन्त्रिापरिषद्को सिफारिसमा राष्ट्रपति भण्डारीले अधयादेश जारी गर्नुभएको उहाँले जानकारी दिनुभयो ।
राजनीतिक दलसम्बन्धी ऐन संशोधन अध्यादेशमा पार्टी केन्द्रीय समिति वा संसदीय दलमध्ये एउटामा २० प्रतिशत मत पुर्याएमा पार्टी विभाजन गर्न सकिने व्यवस्था बताइएकाे छ ।
यसअघि राजनीतिक दलसम्बन्धी ऐनमा दल विभाजनका लागि केन्द्रीय समिति र संसदीय दलमा ४० प्रतिशत सङ्ख्या अनिवार्य हुने उल्लेख थियो ।
बालुवाटारमा मङ्गलबार बिहान बसेको मन्त्रिपरिषद् बैठकले केन्द्रीय समिति वा संसदीय दलमा २० प्रतिशत सङ्ख्या पुर्याएर दल विभान गर्न सकिने गरी राजनीतिक दल विभानसम्बन्धी अध्यादेश ल्याएको थियो ।