काठमाडौं,१ भदौ – नेकपा एमालेका नेता माधवकुमार नेपालले अब नयाँ पार्टी गठन गर्नुपर्ने बाध्यता आइसकेको भन्दै केपी ओलीका कारण एकता सम्भावना सकिएको घोषणा गर्नुभएको छ । ।

नेपालले बैठकलाई सम्बोधन गर्दै आफूसहित १४ सांसदलाई निष्कासनको पत्र पठाएपछि एकताका लागि गरिएको अन्तिम प्रयास असफल भएको बताउनुभएको थियो ।

नेपालले पार्टीको पुर्नगठन गर्ने र ओली सुध्रिएको अवस्थामा एकता साथै चुनावमा सिट बाँडेर लड्न सकिने समेत बताउनुभयो ।

अहिले विभाजन भए पनि एकताको ढोका खुला रहने र अन्य कम्युनिस्ट पार्टीहरुसँग पनि सहकार्य हुने नेता नेपालको भनाइ थियो । उहाँले कार्यक्रताहरुलाई उत्साहाका साथ मैदानमा खटिन समेत आग्रह गर्नुभयो ।