स्याङ्जा,१७ असार– चापाकोट नगरपालिका १० मा रहेको कुवाकोट साना किसान कृषि सहकारी सस्था लिमिटेडले कृषलाई हाते ट्याक्टर (मिनि टिलर) वितरण गरेको छ ।
साना किसान कृषि सहकारी संस्थाले बिहीबार एक कार्यक्रमको आयोजना गरेर ५० प्रतिशत अनुदानमा किसानलाई हाते ट्याक्टर वितरण गरेको हो ।

प्रधानमन्त्री कृषि आधुनिकिकरण परियोजना कार्यन्वयन एकाइ कार्यालयको ५० प्रतिशत अनुदानमा उपलब्ध १५ वटा हाते ट्याक्टर वितरण गर्दै संस्थाका अध्यक्ष राजु कोइरालाले किसानको माग र आवश्यक्तालाई मध्यनजर गरेर हाते ट्याक्टर वितरण गरिएको बताउनुभयो । किसानलाई कृषि कर्ममा काम गर्न सहज हुने खालका कृषि औजारहरु आगामी दिनमा समेत उपलब्ध गराउने बताउदैै प्राप्त सामग्रीको जति सक्दो बढि प्रयोग गरेर लाभ लिन समेत अध्यक्ष कोइरालाले किसानहरुलाई आग्रह गर्नुभयो ।

अध्यक्ष कोइरालाले दिनमा पनि पशुपालन ब्यावसायको लागि लाई आवश्यक पर्ने पोषणयुक्त घाँसका साथै अन्य आवश्यक कुराको लागि समेत पहल गर्ने बताउनुभयो ।