स्याङ्जा,२ असार- अबिरल वर्षाका कारण सेतीवेणी बजार डुबानमा परेकाे छ। दुई दिनदेखि परेकाे अबिरल वर्षाका कारण स्याङ्जा, पर्वत र गुल्मीकाे संगम स्थल रहेकाे गल्याङ नगरपालिका ५ स्थित विश्वकै ठुलाे शालिग्राम शिला सहित बजार क्षेत्र डुबानमा परेकाे हाे। कालीगण्डकी नदिमा पानीकाे सतह २८ वर्ष यताकै उच्च विन्दुमा पुगेपछि त्यहाँ रहेकाे शिला सहित बजार डुबानमा परेकाे हाे। बजार क्षेत्र डुबानमा परेपछि १० घरलाई सुरक्षित स्थानमा सारिएकाे वडा अध्यक्ष विष्णु बस्याल क्षेत्रीले जानकारी दिनुभयाे। कालीगण्डकीमा पानीकाे बहाव बढेसँगै कालीगण्डकी ‘ए’ जलविद्युत केन्द्रकाे मिर्मीमा रहेकाे बाँधकाे सबै ढाेका खाेलिएकाे छ। नदिमा पानीकाे सतह बढ्दै गएपछि सेतीवेणी बजारमा रहेका बजार बासिमा त्रास बढेकाे छ।