काठमाडौं,१९ जेठ– राजा वीरेन्द्रको वंशनास भएको आज २० वर्ष पुरा भएको छ । नारायणहिटी दरबाद हत्याकाण्ड भएको २० वर्ष पग्दा समेत हत्याकाण्ड भने रहस्यमै छ ।

२०५८ जेठ १९ गते राती नारायणहिटी राजदरबारभित्र तत्कालीन राजा वीरेन्द्र शाहसहित उहाँको वंशनास हुने गरी हत्याकाण्ड मच्चाइएको थियो । हत्याकाण्डमा राजा वीरेन्द्र, रानी ऐश्र्य, युवराज दीपेन्द्र, अधिराजकुमारी श्रुती र अधिराजकुमार निराजन शाहको हत्या भएको थियो । उहाँहरुसँगै दरबारका सदस्य तथा आफन्तहरुको समेत सो हत्याकाण्डमा ज्यान गुमाएका थिए ।

उच्च सुरक्षा घेराभित्र रहेको राजदरबारजस्तो संवेदनशील ठाउँमा देशको राजासहित राजपरिवारका सदस्यको हत्याको कारण अहिलेसम्म रहस्यमै छ । तत्कालीन छानविन समितिले युवराज दीपेन्द्रले आफ्नो परिवारका सबै सदस्यलाई गोली प्राहार गरी आफूले पनि टाउकोमा गोली हानेर निधन भएको निष्कर्ष निकाले पनि जनताले अहिलेसम्म त्यो कुरालाई पत्याउन सकेकाछैन ।

उदार छवीका कारण राजा वीरेन्द्र जनतामाझ निकै लोकप्रिय हुनहुन्थ्यो । उहाँको हत्यापछि भाइ ज्ञानेन्द्र शाह राजगद्धीमा आसीन भए पनि उहाँले नेपालको राजतन्त्रलाई लामो समयसम्म टिकाउनै सक्नुभएन । राजा भएको ७ वर्षमै २०६५ जेठ १५ गते मुलुकमा राजतन्त्र समाप्त भयो । ज्ञानेन्द्र राजा भएको ७ वर्षमै २०६५ जेठ १५ गते मुलुकमा राजतन्त्रको समाप्ती भयो । ज्ञानेन्द्र नेपालको शाह वंशीय अन्तिम राजा हुनुहुन्छ ।