काठमाडौं ,१८ जेठ– चीनले अदानमा उपलब्ध गराएको १० लाख डोज खोपमध्ये को ८ लाख मात्रा आज काठमाडौं आइपुगेको छ ।
नेपाल वायुसेवा निगमको वाइडबडी बिमानले बेइजिङबाट ८ लाख खोप आज काठमौं ल्याइपुर्याएको हो । खोप ल्याएको नेपाल वायुसेवा निगमको जहाज त्रिभुवन अन्तर्राष्ट्रिय विमानस्थलमा अवतरण गरेको छ ।
आजै, चीनको कुन्मिङबाट हिमालयन एयरलाइन्सको विमानले थप एक लाख डोज खोप काठमाडौं ल्याउँदैछ । बुधबार पनि कुन्मिङबाट हिमालयन एयरलाइन्सको जहाजले थप १ लाख डोज खोप ल्याउने भएको छ ।
यसै साता राष्ट्रपति विद्यादेवी भण्डारीसँगको टेलिफोन संवादपछि चिनियाँ राष्ट्रपति सी जिङपिङले नेपाललाई कोभिड(१९ महमारीविरुद्ध १० लाख डोज खोप उपलब्ध गराउने घोषणा गर्नुभएको थियो ।
चीनले सिनोफार्म कम्पनीले विकास गरेको भेरोसेल खोप नेपाललाई उपलब्ध गराएको हो ।